Аллаһ Тағала айтады: «Жәннәтта көз көрмеген, құлақ естімеген, тіпті адам жүрегі қалап көрмеген нәрселерді дайындап қойдым». Бұл айтылғанға Аллаһ Тағаланың Кітабындағы: «Істеген игіліктері үшін қандай жақсылық әзірленгенін бірде-бір адам білмейді» - деген сөзі дәлел бола алады. (Сәжде сүресі, 17 аят.).
Пайғамбарымыз айтады: «Жәннәтта бір ағаш бар. Салт атты оның бір шетін екі шетіне, арнайы дайындалған жүйрік атпен жүз жыл шапса да жете алмайды». Бұл хадисті имам Бухари мен Муслим риуаят етті.
Расулуллаһ (с.а.с.): «Жәннәтта сырты ішінен және іші сыртынан көрінетін бөлмелер бар» - деді. Бір бәдәуи тұрып: «Я, Расулуллаһ! Ол бөлмелер кім үшін?» - деп сұрағанда, Пайғамбарымыз: «Жақсы сөз айтқан, мұқтаждарды тамақтандырған, оразасын ұстап, адам ұйықтап жатқанда намазын оқыған үшін» - деп жауап берді. Жақсы сөз айтқан дегеніміз – балағат, жалғандық пен өсек аяңнан аулақ болғанды меңзеп отыр. Адамдар намазын ұйықтап жатқанда намазын оқыған – яғни, түнін нәфіл, тәһәжжүд намаздарын оқумен өткізген адам.
Адамның Жәннәтқа кіруіне көп септігін тигізетін нәрсе ол – «Тақуалық пен көркем мінез». Тақуалығымыз артып, көркем мінезділігіміз еш уақытта таусылмауға жазсын!